“Хаббл” телескопи “Bootes” юлдуз туркумидаги учта галактиканинг яқинлашишини акс эттирувчи янги суратни Ерга юборди.

Қайд этилишича, уларнинг траекторияси муқаррар равишда тўқнашув ва бирлашишга олиб келади. Бу ҳақда “Space” нашри хабар берди.

Гарчи бу тез-тез содир бўлса-да, ушбу ҳодиса жуда кам учрайдиган воқелик, чунки учта галактиканинг ҳар бири ҳозирда янги юлдузларни яратиш жараёнида бўлган.

Галактикалар бир-биридан атиги 50 000 ёруғлик йили (яъни ёруғлик тезлиги 50 000 йилда босиб ўтадиган масофа) узоқликда жойлашган. Гарчи бу жуда улкан масофадек туюлса ҳам, космик нуқтаи назардан бу жуда яқин эканини англатади. Таққослаш учун: Сомон йўлига энг яқин галактика – “Андромеда” қуёш системасидан 2,4 – 2,7 миллион ёруғлик йилидан кўпроқ масофада жойлашган (уларнинг бирлашиши фақат 4 миллиард йилдан кейин башорат қилинади).

Олимларнинг таъкидлашича, ҳар учала галактиканинг шакллари аллақачон бузилган, уларни боғлаб турган газ ва чанг филаментлари (тўплам) кўринади ҳамда улар ўзидан катта миқдорда ёруғлик чиқаради – буларнинг барчаси яқинлашиб келаётган тўқнашувга ишора қилади.

“Хаббл” телескопидан олинган ушбу сурат астрономлар “Энг ёрқин кластер галактикалари” (BCG) деб атайдиган коинотдаги энг катта ва энг массив юлдуз тизимларининг келиб чиқишини ўрганиш дастурининг бир қисмидир. “SDSSCGB10189”нинг (илмий белгиланиши) бирлашиши янги галактика “туғилишига” олиб келиши мумкин. Олимлар бу ҳолат уларнинг пайдо бўлиш сирига ойдинлик киритишига умид қилмоқда.

Маълумотларга кўра, сўровлар учун илғор техника “Хаббл” камераси бўлиб, асосан кўринадиган ёруғлик диапазонида маълумотларни суратга олиш учун ишлатилади, бу инсон кўзи билан бир хил диапазон ҳисобланади. У 2002 йилда телескопга ўрнатилган.

• Galaktika
• Olimlar
• Teleskop