Хитойнинг Ханчжоу шаҳрида IV Пара Осиё ўйинлари старт олди. Ўзбекистон делегацияси мусобақанинг биринчи кунини муваффақиятли бошлади. Пара енгил атлетиканинг аёллар ўртасида F12 классида ядро улоқтириш дастурида иштирок этган ҳамюртимиз Сафия Бурханова 13.87 метр натижа билан олтин медални қўлга киритди.

Ҳозиргина пара таеквондо бўйича аёллар ўртасида -48 кг вазн тоифасида финал жанги якунланди ва ҳамюртимиз Зиёда Исоқова кумуш медалга сазовор бўлди.

Пара-таековдо бўйича Ўзбекистон терма жамоаси аъзоси Санжар Мухторов ҳам ўз номини совриндорлар қаторига ёзиб қўйди. -58 кг вазн тоифасида баҳс олиб борган юртдошимиз бронза медалини қўлга киритди.

Пара-дзюдо беллашувларида ҳам дастлабки медаллар жамланмаси ўйналди. Аёллар ўртасида J2 классида -48 кг вазн тоифасида юртимиз шарафини ҳимоя қилган Лобар Ҳуррамова якунда бронза медалига эгалик қилди.

• Паралимпия
• Параосиё ўйинлари
• Таэквондо
• Хитой