Америка Қўшма Штатлари ҳамда унинг Осиёдаги иттифоқчилари Киев ва Москва ўртасидаги можарога нисбатан Ғарб билан бир хил принцип асосида ҳаракат қилиб, Тайван масаласида Хитой билан мумкин бўлган қарама-қаршиликка тайёрланмоқда. Вашингтон Токио ва Манила билан ҳарбий ҳамкорликни кучайтиради.
Хитой Тайванга уруш бошласа, АҚШ ва Япония ҳарбийлари ҳамкорликни кенгайтириб, у билан юзага келиши мумкин бўлган можарога тайёргарлик кўриш учун кўпроқ қўшма операциялар ўтказмоқда. Бу ҳақда “Financial Times” нашрига АҚШ денгиз пиёдалари корпуси 3-экспедиция кучлари қўмондони (Окинавада жойлашган) генерал-лейтенант Жеймс Бирман маълум қилди.
Бирманга кўра, АҚШ ва унинг Осиёдаги иттифоқчилари Россия ва Украина ўртасидаги можарода Ғарб давлатлари қандай йўл тутаётган бўлса, худди шундай тамойилга амал қилмоқда: Украина қўшинларини тайёрлаш, Киевга қурол етказиб бериш ва ҳоказо.
“Биз буни уруш театрининг ташкил этилиши деб атаймиз. Биз эса Япония, Филиппин ва бошқа жойларда ташкил қиламиз”, – деди генерал-лейтенант.
FT нашрида қайд этилганидек, Украинадаги вазият билан бундай “ноодатий очиқ” таққослаш Пекиннинг сўнгги пайтларда Тайван яқинида кўпроқ ҳарбий машғулотлар ўтказа бошлагани билан боғлиқ. 2022 йил баҳорида АҚШ президенти Жо Байден Вашингтон Хитойнинг Тайванга қарши куч ишлатиш эҳтимолига ҳарбий жавоб беришга тайёрлигини айтган эди.
Шундан сўнг “The New York Times” Оқ уй Украинага қурол етказиб бериш тажрибасидан фойдаланиб, Хитойнинг эҳтимолий ҳужумини қайтариш учун орол мудофаа тизимини қайта жиҳозлаш бўйича саъй-ҳаракатлар кучайтирилгани ҳақида маълум қилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!