Хитой 20 дан ортиқ шаҳарларда никоҳ ва фарзанд кўришнинг “янги давр” маданиятини яратиш бўйича лойиҳаларни ишга туширади, бу ҳукуматнинг мамлакатда туғилиш даражасини рағбатлантириш бўйича сўнгги ҳаракатидир.
Хитойнинг оилани режалаштириш ассоциацияси, ҳукуматнинг аҳоли ва туғилиш бўйича чора-тадбирларини амалга оширувчи миллий органи аёлларни турмуш қуриш ва фарзанд кўришга ундаш бўйича лойиҳаларни ишга туширади.
Қайд этилишича, бу лойиҳаларда асосий эътибор оила қуриш, фарзандларнинг муносиб ёшда туғилиши, ота-оналарни фарзанд тарбияси масъулиятини бирлаштиришга даъват этиш, “келин баҳоси” ва бошқа эскирган амалиётларга чек қўйишга қаратилган.
“Жамият ёшларни никоҳ ва фарзанд кўриш масалаларига кўпроқ йўналтириши керак”, – дейди демограф Хе Яфу.
Лойиҳалар Хитой провинциялари одамларни фарзанд кўришга ундаш, жумладан солиқ имтиёзлари, уй-жой субсидиялари ва учинчи фарзанд учун бепул ёки субсидияланган таълимни рағбатлантириш мақсадида қилинаётган бир қатор чора-тадбирлар фонида амалга оширилмоқда.
Қайд этиш мумкин, Хитой 1980 йилдан 2015 йилгача қатъий суръатда “бир оила учун бир бола” сиёсатини олиб борди. Натижада Ҳиндистон Чин мамлакатини ортда қолдириб, дунёдаги энг кўп аҳолига эга мамлакатга айланди. Ўшандан буён чеклов уч нафар болага оширилди.
Сўровномалар натижасига кўра, мамлакатда кўпгина аёллар бирдан ортиқ фарзанд кўришни хоҳламайди, бунга болаларни парвариш қилиш харажатлари ва гендер тенгсизлик асосий тўсиқ бўлмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!