Япониянинг “Iwaya Giken” компанияси янги диққатга сазовор макон – 25 километр баландликка индивидуал туристик саёҳатларни эълон қилди. Гарчи у ҳали барча учун очиқ бўлмаса-да, у ҳали ҳам реактив самолёт парвозидан юқори ва Ернинг қора осмон остида эгилганини кўриш учун етарли бўлади.

Сайёҳлик капсуласи шаффоф олд юзасига эга, диаметри 1,5 метр бўлган баррелга ўхшайди. У гелий шари ёрдамида осмонга кўтарилади.

Аслида компания стратосферага учишга мўлжалланган машиналарни ишлаб чиқармайди. Капсула икки қаватли бўлиб ва битта ўриндиқ учувчи учун мўлжалланган.

Кўтарилиш икки соатгача давом этади. Сайёҳлар баландликка кўтарилиш учун тахминан 60 дақиқа вақт сарфлайди, кейин эса бир соат давомида осмон узра ҳаракатланиш мумкин.

“Бу одамлар учун тежамкор ва хавфсиз. Мақсад - космик туризмни ҳамма учун очиқ қилиш”, – дейди “Iwaya Giken” компанияси бош директори Кейсуке Ивая.

Космосга “ҳамёнбоп” парвоз 24 миллион йенга (тахминан 2 млрд сўм) баҳоланмоқда. Компаниянинг хизмат оммабоплиги ошгани сайин нарх ҳам пасайишини маълум қилинган.

Стратосферага саҳат амалга оширишни истовчи ҳар ким “космик саёҳат” учун онлайн ариза топшириши мумкин. Танловнинг биринчи босқичи ғолиблари октябрь ойида эълон қилинади. Улар ушбу хизматдан 2023 йил охиригача фойдаланишлари мумкин. Парвозлар Япониядан амалга оширилади.

Эслатиб ўтиш мумкин, коинотнинг аниқ чегараси ҳали ҳам мавжуд эмас. Масалан, АҚШда астрономлар томонидан 80 километр баландликкача кўтарилиш мумкинлиги айтилса, Халқаро авиация федерацияси ва NASA’да ушбу ўлчов масофаси 100 километрни ташкил этади (Карман линияси).

• Olimlar
• Stratosfera
• Япония
• саёҳат