Кеча, 10 май оқшомида Европа Чемпионлар Лигаси ярим финал босқичининг дастлабки баҳсида “Интер” “Милан”га қарши баҳс олиб борди.

Дербининг 8-дақиқасидаёқ ҳисоб очилди. “Нерадзури” ҳужумчиси Эдин Жеко бурчак зарбасидан узатилган тўпни дарвозага аниқ жойлади.

Орадан 3 дақиқа ўтиб, ҳимоячиларнинг хатосидан унумли фойдаланган Генрих Мхитарян ўз голи билан ҳисобни ишончли кўринишга келтирди.

Беллашувнинг қолган дақиқаларида дарвозалар ишғол этилмади ва “Интер” жавоб ўйинидан олдин ўзида яхши имкониятни яратиб олди.

“Милан” – “Интер” 0:2

Голлар: 0:1 – 8ʼ Жеко, 0:2 – 11ʼ Мхитарян.

Маълумот ўрнида, жамоалар ўртасидаги жавоб баҳси 16 май санасида бўлиб ўтади.

• Футбол
• Интер
• милан
• ЕЧЛ