Магистраль газ қувурларида босимни ростлаш ва меъёрий ҳолатга келтириш ишлари давом этмоқда. Бу ҳақда Энергетика вазирлиги ахборот хизмати хабар берди.

Газ босимининг пастлиги сабабли, биринчи навбатда аҳоли хонадонлари ҳамда ижтимоий соҳа объектларини табиий газ билан узлуксиз таъминлаш устувор вазифа ҳисобланади.

Шунга кўра, бугун метан “заправка”лар ижтимоий соҳа объектларига хизмат кўрсатувчи ва жамоат транспорти учун фаолият юритади.

Мазкур чоралар аҳоли ва ижтимоий соҳа объектларини барқарор газ таъминоти билан таъминлашга қаратилган.

Шунингдек, биржа савдоларига чиқарилаётган автобензин ва суюлтирилган газ (пропан) ҳажми оширилгани, ушбу ёқилғи турлари етарли миқдорда етказиб берилаётгани билдирилди.

Мутасаддилар хусусий автомобиль ёқилғи қуйиш шохобчалари эгаларини нархларни сунъий равишда оширмасликка ҳамда автобензинни сифат ва миқдор жиҳатидан тўғри сотишга чақирди. Ваколатли ташкилотлар томонидан нархлар устидан назорат кучайтирилгани ва асоссиз оширишларга йўл қўйилмаслиги таъкидланди.

• Энергетика_вазирлиги
• Газ