14°
Кечаси 3°
Кеча 14 февраль оқшомида футбол бўйича Чемпионлар Лигасининг нимчорак финалидан ўрин олган икки ўйин бўлиб ўтди.
Улардан бирида, ПСЖ ўз майдонида «Бавария»ни қабул қилди. Биринчи бўлимда дарвозалар ишғол этилмади. Иккинчи бўлимнинг 53-дақиқасида Кингсли Коман Алфонсо Девиснинг қанотдан узатган тўпини Доннарумма дарвозасига жойлаб қўйди.
83-дақиқада Килиан Мбаппе томонидан киритилган гол эса, офсайд сабабли ҳисобга олинмади. Шу тариқа «Бавария» 1:0 ҳисобида кичик ғалабага эришди.
«Милан» ва «Тоттенҳем» ўйинида ҳам минимал ҳисоб қайд этилди. Учрашувда миланликлар 7-дақиқада Браим Диас томонидан урилган гол эвазига ғалабани илиб кетди.
Жамоалар ўртасида жавоб ўйинлари 8 март куни бўлиб ўтади. Ўз навбатида бугун, чоршанба оқшомида Бельгия клуби «Брюгге» Португалияда «Бенфика» билан рўбарў келса, Лондон жамоаси «Челси» Германияада «Боруссия Дортмунд» билан ўйнайди.
Европа Чемпионлар Лигаси
Нимчорак финал баҳслари
14 февраль, сешанба
ПСЖ – «Бавария» 0:1
Гол: 0:1 – 53ʼ Коман.
«Милан» – «Тоттенҳем» 1:0
Гол: 1:0 – 7ʼ Браим Диас.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
