Буюк Британия ва Бирлашган Ирландия қироличаси Елизавета II вафотидан сўнг Шаҳзода Уилям ва унинг рафиқаси Кейт Мидлтон миллиардерга айланишди. Бу ҳақда Британиянинг “Daily Star” газетаси манбаларга таяниб хабар берди.
Қайд этилишича, Елизавета II вафотидан сўнг Уилям дарҳол Корнуел герцоги унвонини мерос қилиб олди. Ҳозирда у Корнуел ва Кембриж герцоги, Кейт эса Корнуел ва Кембриж герцогиняси ҳисобланади. 9 сентябрь, жума куни Британия қироли Чарлз III ўғли Уилямни Уелс шаҳзодаси, рафиқаси Кейтни эса Уелс маликаси деб эълон қилди.
Нашрга кўра, янги унвонларни олганидан сўнг, шаҳзода Уилямнинг бойлиги ҳозирда 1,1 миллиард фунтга баҳоланмоқда. Корнуел герцоги ва Корнуел герцогиняси унвонларини олиш Уилям ва Кейтга катта миқдордаги ер, ўрмонлар, дарёлар ва мулкларни мерос қилиб олишларини билдиради, деб ёзади газета.
Ҳозирда Уелс шаҳзодаси ва маликаси Англия ва Уелснинг 20 та округида 128 минг гектарга яқин ерга эгалик қилади. Уларнинг бир қисмига Дартмур миллий боғи ҳам киради, деб ёзади газета манбаларга таяниб.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!