Ҳиндистон 2036 йилги ёзги Олимпия ўйинларига мезбонлик қилиш даъвосида ғолиб чиқса, “мамлакатнинг юмшоқ кучи” сифатида таърифланадиган йогани тўрт йиллик ўйинлар дастурига киритиш талабини илгари сурмоқчи.

Бу ҳақда Миллий олимпия ассоциацияси Осиё Олимпия кенгашининг амалдаги раҳбари Ража Рандҳир Сингхга мактуб йўллаган.

Мурожаатда жисмоний ва руҳий саломатликни мустаҳкамлашда ўрни муҳимлигидан келиб чиқиб, йогани Осиё ўйинлари дастурига киритиш зарурлиги таъкидланган.

Шунингдек, жорий йил 21 июнда дунё бўйлаб 10-халқаро йога куни кенг нишонлангани, барча мамлакатларда кишилар ушбу тур билан шуғулланаётгани, жисмоний ва руҳий саломатлик манбаи бўлган бу ҳаракат келгусида Осиё ўйинлари, охир-оқибат Олимпия ўйинларидан жой олишга ҳақли экани қўшимча қилинган.

• Ҳиндистон
• Олимпиада
• Қишки Олимпиада
• Спорт