ИИВ йўллардаги айни ноқулай шароитда автомобилни тўғри бошқаришга оид кўрсатмалар берди.

Унга кўра, тўғри бошқаришнинг бир неча оддий усуллари мавжуд. Булар:

–йўлнинг нотекис қисмида тормозни босмаслик;

–бурилиш жойларида ҳаракат тезлигини бир меъёрда сақлаш;

–сирпанчиқ йўлда тормозни қаттиқ босмаслик.

Автомобиль сирпанишни бошлаганда қандай чоралар кўриш зарур?

– сирпанчиқ йўлда автомобилнинг орқа чап ёки ўнг томони сирпанишни биринчи бошлаши мумкин;

– сирпанчиқ йўлда руль чамбарагини секин ва аниқ айлантириш;

– шу билан бирга, агар автомобилни орқа ғилдирак бошқарса, газдан оёғингизни олинг;

– агар олди ғилдирак бошқарса, газни босиб тезликни озгина оширинг;

Шу билан бирга, автомобиль сирпанчиқ йўлдан чиққандан сўнг, руль чамбарагини тўғри ҳолатга қайтариш лозим. Агар ўз вақтида қайтармасангиз, автомобиль ўз йўналишидан бошқа йўналишга ўтиб кетиши мумкин.

Ушбу усуллар тўғри бажарилса, автомобиль яна бошланғич ҳолатига қайтади ва ҳайдовчи ўз йўналишида давом этиши мумкин.

• Аномал совуқ
• ИИВ
• Yo'llar