“Politico” nashrining xabar berishicha, Yangi Kaledoniya kelajagi haqida bahslashayotgan siyosiy harakatlar shanba kuni ertalab yangi davlat yaratish to‘g‘risida rasman e’lon qildi.

Ammo qayd etilishicha, davlat to‘laligicha mustaqil bo‘lmaydi. Ya’ni amalda Fransiyaning hududi hisoblangan bu yer avtonomiya maqomida bo‘ladi.

Shuningdek, kelishuvga ko‘ra Yangi Kaledoniya aholisiga yangidan fuqarolik taqdim etiladi. Mamlakat tashqi siyosatda ham o‘zining ma’lum bir haq-huquqlarini qo‘lga kiritadi.

Endi mazkur bitim va davlatning qisman mustaqilligini rasman e’lon qilish uchun Yangi Kaledoniyada referendum bo‘lib o‘tishi va Fransiya parlamentida jarayon yuzasidan ovoz berish o‘tkazilishi kerak bo‘ladi.

• Fransiya
• Konstitutsiya
• Okean
• Referendum\