“O‘zenergoinspeksiya” Andijon viloyat hududiy boshqarmasi tomonidan o‘tkazilgan nazorat tadbirida Andijon shahrida faoliyat yuritayotgan “G.T.” MChJ tomonidan elektr energiyasidan noqonuniy foydalanib kelayotganligi aniqlangan.

Unga ko‘ra, ushbu MChJga qarashli 2 ta tekstil mahsulotlarga aksessuarlar ishlab chiqarish va matolarga gul bosish sexi elektr tarmoqlariga o‘zboshimchalik bilan ulanganligi ma’lum bo‘lgan.

Ushbu qoidabuzarlik natijasida dastlabki hisob-kitoblarga ko‘ra, elektr ta’minoti korxonasiga 4 milliard 651 million so‘mlik zarar yetkazilgan.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.

• Andijon
• Elektr energiyasi
• MCHJ
• Qoidabuzarlik