“O‘zenergoinspeksiya”ning Samarqand viloyati hududiy boshqarmasi tomonidan o‘tkazilgan nazorat tadbirida, Samarqand shahrida 2,6 milliard so‘mlik elektr energiyasidan noqonuniy foydalangan mas’uliyati cheklangan jamiyat (MChJ) aniqlangan.

Tekshiruv davomida MChJga qarashli, quvvati 34 kVt bo‘lgan elektr qurilmalari hisoblagichdan tashqari tarmoqqa ulanib ishlatilgani ma’lum bo‘lgan.

Oqibatda, elektr ta’minoti korxonasiga 2 milliard 680 million so‘m miqdorida zarar yetkazilgani qayd etilgan.

Hozirda huquqni muhofaza qiluvchi organlar tomonidan tergovga qadar tekshiruv ishlari olib borilayotgani bildirilgan.

• Elektr energiyasi
• Samarqand