Sud Uzum ko‘rinishidagi belgidan umumiy ovqatlanish sohasida foydalanib kelgan restorandan tovon puli undirish bo‘yicha qaror chiqardi. Bu haqda Adliya vazirligi matbuot xizmati xabar berdi.

Ma’lum qilinishicha, F.T. korxonasi Uzum tezkorga tegishli bo‘lgan Uzum Tezkor va Uzum Food tovar belgisiga o‘xshash Uzum ko‘rinishidagi belgidan noqonuniy foydalangan.

Restoranga nisbatan huquqiy ta’sir chorasi qo‘llanilgan. Bundan tashqari, Uzum Tezkor “brend o‘g‘riligi” bilan shug‘ullangan huquqbuzardan tovon puli undirishni so‘rab sudga murojaat qilgan.

Sud qarori bilan F.T. korxonasidan 75 mln so‘m tovon puli undirilishi belgilangan. Davlat bojlari va boshqa xarajatlar bilan birga bu summa 94 mln so‘mni tashkil etgan.

• Adliya
• Jarima
• Uzum
• xabar