Isroil armiyasi G‘azoga hujum boshlagan 2023-yilning 7-oktyabr kunidan beri ishg‘ol ostidagi G‘arbiy Sohilda 19 ming falastinlikni qo‘lga olgani ma’lum qilingan.

Isroilning so‘nggi 24 soat ichida G‘azoga uyushtirgan hujumlari natijasida 69 falastinlik halok bo‘lgan.

Isroil G‘azoga hujum boshlagandan beri G‘arbiy Sohilda taxminan 19 ming falastinlik qo‘lga olingani va bu raqamga g‘azoliklarning kirmagani bildirildi.

Hibsga olinganlarning 585 nafari ayollar, 1550 dan ortig‘i esa bolalar ekanligi qayd etildi.

2023-yil 7-oktyabrdan buyon Isroil qamoqxonalarida 46 nafari G‘azodan bo‘lgan 77 nafar falastinlik hayotdan ko‘z yumgani, qamoqxonalarda halok bo‘lgan, ammo kimligi oshkor etilmagan yana o‘nlab g‘azolik borligiga e’tibor qaratildi.

Sentyabr oyi boshida Isroil qamoqxonalaridagi falastinlik mahbuslar soni taxminan 11100 nafarga yetgan, ulardan 49 nafari ayol va 400 nafari bola, 3577 nafari falastinlik esa ma’muriy hibsga olingani ma’lum qilingan.

• Falastin
• Isroil