O‘zbekistonda barcha umumta’lim maktablarini bosqichma-bosqich bir smenali tizimga o‘tkazish rejalashtirilmoqda. Bu haqda Maktabgacha va maktab ta’limi vazirligi ma’lum qildi.

Yangi tizimga ko‘ra, o‘quvchilar faqat ertalabgi smenada ta’lim oladi. Darslardan so‘ng esa maktabning o‘zida turli to‘garaklar va qo‘shimcha mashg‘ulotlar tashkil etiladi.

Qayd etilishicha, bu jarayon bosqichma-bosqich amalga oshiriladi. Chunki barcha maktablarni bir smenaga o‘tkazish uchun avvalo yangi ta’lim muassasalarini qurish va mavjudlarini kengaytirish zarur.

Mazkur islohot o‘quvchilarning sifatli ta’lim olishi va bo‘sh vaqtini mazmunli tashkil etishga qaratilgan.