Islom Karimovning nabirasi, bloger Maryam Tillayeva turmush oʻrtogʻi Amiran Sardorov bilan yarashib oldi. Kecha, 7 may kuni uning Instagram sahifasida eri bilan yarashgani aks etgan videorolik paydo boʻlgan.

Maryam Tillayeva videorolikda uni “bu yerga majburlab olib kelishgani”ni taʼkidlaydi. “Men tinchlik tarafdori boʻlganim uchun sen bilan yarashyapman”, dedi u.

Rafiqasi bilan yarashib olganini Amiran Sardorov ham tasdiqlagan. “Ha, biz u bilan haqiqatdan yarashib oldik. Men Dubayga ketgandim, biz u bilan uzoq vaqt yozishib yurdik, munosabatlarga oydinlik kirishmoqchi boʻldik va qaysidir daqiqada uni sevishimni tushunib yetdim. U men birga boʻlishni istaydigan inson. Yonimga kelishi uchun chipta oldim. Uzoq muhokamadan keyin barchasini boshidan boshlashga qaror qildik”, deydi Amiran.

Eslatib oʻtamiz, juftlik joriy yilning fevral oyida ajrim qarori haqida maʼlum qilgandi.

• Shou-biznes
• mashhurlar