“Toshkent metropoliteni” DUK axborot xizmati xabar qilishicha, joriy yilning 1-fevralidan 19 ta metro bekatlaridagi kassalar yopilishi hamda kassalar o‘rniga bir martalik QR-chipta beruvchi infokioskalar o‘rnatilishi belgilangan. Mazkur jarayon Toshkent metropolitenida to‘lov tizimida shaffoflikni ta’minlash, kassalar oldida yuzaga keladigan tirbandliklarning oldini olish hamda yo‘lovchilarga yanada qulay va tezkor xizmat ko‘rsatish maqsadida amalga oshirilmoqda.

Shuningdek, Toshkent metropolitenida elektron to‘lov tizimlari bosqichma-bosqich kengaytirilib, hozirda yo‘lovchilar uchun:

- bank kartalari orqali to‘lov;

- transport kartalari orqali to‘lov;

- yuzni tanib olish (Face ID);

- kaft orqali to‘lov (Palm pay);

- mobil ilovalar orqali to‘lov kabi 10 dan ortiq zamonaviy va qulay to‘lov usullaridan foydalanish imkoniyatlari mavjud.

• Metropoliten
• QR-kod
• Toshkent
• chipta