2026-yilga qadar respublikaning qator hududlarida qayta tiklanuvchi energiya manbalari ulushini 25 foizga yetkazish evaziga yiliga qariyb 3 mlrd kub metr tabiiy gaz tejaladi. Shuningdek, 8 mln tonna havoga chiqariladigan zararli gazlar hajmi ham kamaytiriladi.

Rejadagi mazkur ishlar Prezidentning tegishli qarori bilan tasdiqlanadigan Qayta tiklanuvchi energiya manbalaridan foydalanishni kengaytirish va qo‘llab-quvvatlash dasturiga ko‘ra amalga oishirladi.

Bunda:

a) kamida 8 ta shamol elektr stansiyalarni (SHES) qurish hisobiga 4 GVt qo‘shimcha quvvatlarni barpo etish, jumladan:

– 2023-yilda Qoraqalpog‘iston Respublikasi Beruniy va Qorauzak tumanlari hamda Buxoro viloyati G‘ijduvon va Peshku tumanlarida 3 ta
(1,1 GVt);

– 2024-yilda Buxoro viloyati Tomdi tumanida 1 ta (0,5 GVt);

– 2025-2026-yillarda Qoraqalpog‘iston Respublikasi va boshqa viloyatlarda kamida 4 ta (2,4 GVt) SHESni ishga tushirish.

Mazkur ishlar 4,7 mlrd doll. miqdoridagi to‘g‘ridan-to‘g‘ri xorijiy investitsiyalarni jalb qilish orqali moliyalashtiriladi.

b) quyosh fotoelektr stansiyalar (FES) quvvatini 4 GVtga yetkazish maqsadida kamida 10 ta FESni ishga tushiriladi, jumladan:

– 2022-yilda investorlar tanlovini yakunlab, 2024-yilda Buxoro, Namangan, Xorazm, Qashqadaryo va Farg‘ona viloyatlarida jami 0,9 GVt quvvatli 5 ta;

– 2023-yilda Navoiy, Jizzax, Samarqand va Surxondaryo viloyatlarida 1,1 GVtli 4 ta;

– 2025-2026-yillarda Qoraqalpog‘iston Respublikasi va boshqa viloyatlarda jami 1,8 GVt quvvatli FESlarni ishga tushirish.

Mazkur ishlar 1,5 mlrd doll. miqdoridagi to‘g‘ridan-to‘g‘ri xorijiy investitsiyalarni jalb qilish orqali amalga oshiriladi.

v) 15 ta yangi gidroelektr stansiyalarni (GES) qurish va 5 ta mavjud GESlarni modernizatsiya qilish hisobiga yiliga qo‘shimcha 868 MVt elektr energiyasini ishlab chiqarish quvvatlarini barpo etiladi.

Jumladan:

– 2022-yilda Samarqand, Surxondaryo va Toshkent viloyatlarida qo‘shimcha 173 MVt quvvat yaratish bo‘yicha 7 ta;

– 2023-yilda Toshkent viloyatida 1 ta GES modernizatsiyasini yakunlash hamda Qashqadaryo va Andijon viloyatlarida jami quvvati 29 MVt bo‘lgan 2 ta;

– 2024-yilda Andijon, Namangan, Surxondaryo va Toshkent viloyatlarida 1 ta GES modernizatsiyasini yakunlash hamda jami quvvati 122 MVt bo‘lgan 4 ta;

– 2025-2026-yillarda Qashqadaryo va Toshkent viloyatlarida jami quvvati 544 MVt bo‘lgan 4 ta GESlarni ishga tushirish.

Mazkur ishlarni amlaga oshirishda jami 1,6 mlrd doll. miqdoridagi “O‘zbekgidroenergo” AJ mablag‘lari va qonunchilikda nazarda tutilgan boshqa manbalar hisobidan moliyalashtiriladi.

• Elektr energiyasi
• Farmon
• IES
• qiziqarli