Samarqandga 4 tonna iste’molga yaroqsiz go‘sht olib ketayotgan ikki fuqaro ushlandi. Bu haqda prokuratura Departamenti xabar berdi.

Xabarga ko‘ra, fuqaro O.X. va uning sherigi J.V. jami 4 000 kg iste’molga yaroqsiz qoramol go‘shti yuklangan Isuzu rusumli yuk avtomashinasida “Qarshi-Samarqand” yo‘nalishida harakatlanayotgan bo‘lgan. Bosh prokuratura huzuridagi Departamentning Ko‘kdala tuman bo‘limi tomonidan IIV, veterinariya va chorvachilikni rivojlantirish bo‘limi xodimlari bilan hamkorlikda o‘tkazilgan tezkor tadbirda ushbu mahsulotlar aniqlangan va ashyoviy dalil sifatida olingan.

Mazkur holat yuzasidan Jinoyat kodeksining 186-moddasi (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bilan jinoyat ishi qo‘zg‘atilib, tergov harakatlari o‘tkazilmoqda.

• Jinoyat
• Kodeks
• Samarqand