Afg‘onistonning Mozori Sharif shahrida buyuk mutafakkir, davlat arbobi va shoir Alisher Navoiy nomi bilan atalgan chorraha ochildi hamda 16 metr balandlikdagi yodgorlik qurilishi boshlandi. Bu haqida jurnalist Tolib Nosir o‘zining Facebook ijtimoiy tarmog‘idagi sahifasi orqali ma’lum qilgan. Shuningdek, Dunyo axborot agentligi xabariga ko‘ra, Mozori Sharif shahridagi Chavki-Qalayi-G‘aziyon hududida Alisher Navoiy sharafiga yodgorlik qurilishi boshlangan.

Tamal toshi qo‘yish marosimida Mozori-Sharif o‘zbek jamoasi vakillari, o‘zbek tilida yozuvchi shoirlar va madaniyat arboblari, Balx davlat universitetining o‘zbek tili va adabiyoti kafedrasi professor-o‘qituvchilari, shahar ma’muriyati, biznes hamjamiyati vakillari, Nabizoda jamg‘armasi direktori Kamol Nabizoda va O‘zbekiston konsulligi xodimlari ishtirok etgan.

Yodgorlik foydalanishga topshirilgach, u O‘zbekiston va Afg‘oniston o‘rtasidagi madaniy-gumanitar hamkorlikni yanada mustahkamlovchi muhim ramziy obyektdan biriga aylanishi kutilmoqda.

• Afg‘oniston
• Alisher Navoiy
• yodgorlik