Shoir va prodyuser Ahad Qayum taniqli xonanda Xamdam Sobirovga konsertini buzib tashlash bilan tahdid qildi. Ijodkorning aytishicha, Xamdam Sobirov qoʻshiqlar matni uchun shoirga pul bermagan.

“Qoʻshiqchilar mualliflarni oyoqosti qilib tashlashdi. Biz Xamdam bilan 1 yil oldin kelishganmiz. “Ahad, agar sening sheʼrlaring orqasidan koʻtarilib ketsam, qoʻshiqlarim xit boʻlsa, aytgan pulingni beraman”, degan. Biz bitta summaga kelishganmiz. Lekin, men Hamdam uchun yozib bergan toʻrtta qoʻshiq – “Maktabimda”, “Esla meni”, “Tentakcham” va “20 mart” xit boʻlib ketdi. Men muallif sifatida oʻz huquqlarimni talab qilaman, agar pulni bermasang, konsertingda ana shu 4 ta qoʻshiq aytilmaydi”, dedi ijodkor.

Uning taʼkidlashicha, Xamdam Sobirov kliplari uchun Ahad Qayumning otasiga tegishli boʻlgan kostyum-shimni olib ketgan. U Xamdam Sobirovning konsertiga tashrif buyurib, tadbirni buzishi, xonandaning qilgan mehnatini bir tiyin qilishga vaʼda berishini aytib oʻtgan.

• Shou-biznes
• mashhurlar