Deyarli ko‘pchilik gadjet foydalanuvchilari o‘z qurilmalaridagi ma’lumotlarni xavfsiz saqlash maqsadida ularni bloklashadi. Buning bir necha usullari bor ekanligi barchamizga ma’lum. Bordiyu o‘rnatgan parolingiz yodingizdan ko‘tarilsa uni qanday ochishni bilasizmi? Buning bir necha yo‘llari mavjud.

Grafik parol esingizdan chiqsa…

Elektron pochta orqali:

Qayta-qayta parol kiritganingizdan keyin qurilma sizdan yarim daqiqa kutishingizni so‘raydi. 

Shu vaqtda “Parolni unutdingizmi?” («Zabili parol?») tugmasini bosishga ulguring; 
Google pochtaga elektron pochtangizni hamda parolingizni kiriting;
Kirish (“Sing up” / “Voyti v sistemu”) tugmasini bosing telefoningiz qulfdan chiqadi.

Agarda elektron pochtangiz parolini eslay olmasangiz. Boshqa qurilma yordamida uni tiklab oling. Buning ham iloji bo‘lmasa keyingi usulga o‘ting.

Eslatma: bu usul faqatgina Android 5.0 va undan yuqori bo‘lgan versiyalarda ish beradi. Yangilangan smartfonlarda himoya tizimi yanada mustahkam ishlangan.

Quvvat tugagach qulfdan ochish

Buning uchun siz telefon quvvati tugashini kutishingiz kerak bo‘ladi. Jarayonni tezlashtirish uchun ekran yorug‘lik darajasini maksimal ko‘taring. Quvvat tugagach qurilmani yoqqaningizda u menyuga kirish imkonini beradi. Shu vaqt ichida tezlik bilan bloklash tizimini o‘chirishingiz mumkin.