Angliya soʻnggi beshta oʻyinda gʻalaba qozona olmadi.

Garet Sautgeyt bosh murabbiyligidagi jamoa Millatlar ligasining 5-turida Italiyaga (0:1) imkoniyatni boy berib, B ligasiga tushib ketdi.

Shu tariqa, Angliya soʻnggi besh oʻyinning uchtasida magʻlub boʻldi va ikki bor durang qayd etib, bironta ham gʻalabaga erishmadi.

Angliya terma jamoasi Vengriyaga ikki marta (0:1, 0:4), Italiyaga bir marta magʻlub boʻldi (0:1). Germaniya bilan esa ikkita durang qayd etdi.

Ushbu oʻyinlar mobaynida Sautgeyt shogirdlari atigi bitta gol urishdi.

Eʼtiborlisi, Angliya 2014-yildan beri birinchi marta ketma-ket beshta oʻyinda gʻalaba qozona olmadi.

• Angliya
• Futbol
• Jahon chempionati