Iqlim isishi El-Ninyo kabi tabiiy hodisalar emas, balki inson faoliyati va atmosferaga is gazi tarqalishi bilan bog‘liq. Sayyoramizda harorat har qanday ssenariy bo‘yicha ham asr oxirigacha ko‘tarilib boraveradi. Bunday xulosani rossiyalik meteorolog olim Roman Vilfand “RIA Novosti”ga bergan intervyusida keltirgan.

– Iqlim isishi – is gazi havoda ko‘p to‘planib qolishi bilan bog‘liq uzluksiz davom etayotgan jarayon. El-Ninyo yoki La-Ninya tabiiy omil, asosiy sabab esa antropogen ta’sirda. Masalan, is gazi havoga tarqalishi ertagayoq to‘xtatilgan taqdirda ham inson faoliyati tufayli havoda yig‘ilib qolgan is gazi ikki barobar kamayishi uchun 30 yil kerak. Aynan shu sababli voqealar rivoji har qanday ko‘rinishda davom etadi, insoniyat barcha chorani ko‘rgan taqdirda ham asr oxirigacha harorat baribir ko‘tarilib boraveradi. Bor umid sekin isishdan, - degan mutaxassis o‘z fikrida.

El-Ninyo hodisasi Tinch okeani ekvator qismida suv yuzasi haroratining anomal darajada isishi bilan bog‘liq. Okean oqimidagi o‘zgarishning o‘ziga xosligi shundaki, La-Ninya payti atmosferadagi issiqlik keskin tarzda okeanga singadi, El-Ninyo sharoitida esa issiqlik okeandan atmosferaga tarqaladi.

• anomal issiq