AQSH harbiy-dengiz kuchlari vaziri Karlos del Toro agar Amerika harbiy-sanoat majmuasi (MIC) ishlab chiqarish hajmini oshira olmasa, taxminan bir yil ichida Ukrainaga qurol yetkazib berishni davom ettirish Qo‘shma Shtatlar uchun muammoga aylanadi. Bu haqda Toro jurnalistlarga bergan intervyusida aytib o‘tgan.

“Agar mojaro yana olti oydan bir yilgacha bo‘lgan muddatda davom etsa, u holda, albatta, ta’minot zanjiriga qiyinchilik tug‘diradi. Hozirda AQSH Mudofaa vazirligi Harbiy-sanoat kompleksi bilan yaqindan hamkorlik qilib, undan ishlab chiqarish hajmini kengaytirish va yo‘ldagi to‘siqlarni bartaraf etishga intilmoqda”, – deydi Toro.

Uning ta’kidlashicha, Pentagon rahbariyatining ikki vakili bir vaqtning o‘zida bu bilan bog‘liq muammolarni hal qilmoqda. Bunday ish bilan Mudofaa vazirining birinchi o‘rinbosari Ketlin Xiks hamda vazirning xaridlar va logistika bo‘yicha o‘rinbosari Bill la Plante shug‘ullanmoqda.

Uning so‘zlariga ko‘ra, Amerika harbiy-sanoat majmuasi inson resurslarini rivojlantirishga, asosiy fondlarga sarmoya kiritishi kerak, bu qarorlar kompaniyalarning o‘zida, “ishlab chiqarish sur’atini oshirish uchun” qabul qilinishi kerak.

“Bu sodir bo‘lganda, biz yaxshi holatda bo‘lamiz. Bu qancha vaqt oladi, ko‘pincha qaysi qurol tizimi haqida gap ketayotganiga bog‘liq”, – deya qo‘shimcha qildi dengiz floti vaziri. U Amerika nohukumat yer usti dengiz kuchlari assosiasiyasi tomonidan o‘tkazilgan konferensiya doirasida jurnalistlarning savollariga javob berdi.

Qayd etish mumkin, del Toro AQSH harbiy-dengiz kuchlarining fuqarolik taraqqiyoti koordinatori bo‘lib, AQSH Qurolli Kuchlarining boshqa bo‘limi – dengiz piyodalari korpusini boshqaradi, lekin prezident kabinetining a’zosi emas va Pentagon rahbari Lloyd Ostinga hisobot beradi.

• AQSh
• Mudofaa
• Pentagon
• Rossiya
• Ukraina