AQSh prezidenti Donald Tramp Eron bilan ikki haftalik sulhga rozi bo‘lganini ma’lum qildi, buning evaziga Tehron Hurmuz bo‘g‘ozini ochadi.

“Bugun tunda Eronga berilishi rejalashtirilgan vayronkor zarbani to‘xtatib turish iltimosi bilan menga murojaat qilgan Pokiston bosh vaziri Shahboz Sharif va feldmarshal Osim Munir bilan o‘tkazilgan muzokaralar yakunlariga ko‘ra, hamda Eron Islom Respublikasi Hurmuz bo‘g‘ozini to‘liq zudlik bilan va xavfsiz shartlarda ochishga rozilik bergan taqdirda, men Eronga qilinadigan bombardimon va hujumlarni ikki hafta muddatga to‘xtatib turishga roziman. Bu ikki tomonlama o‘t ochishni to‘xtatish bo‘ladi!” — deb yozdi Tramp Truth Social ijtimoiy tarmog‘ida.

“Biz Erondan 10 banddan iborat taklif oldik va uni muzokaralar uchun maqbul asos deb hisoblaymiz. Amerika Qo‘shma Shtatlari va Eron o‘rtasidagi o‘tmishdagi deyarli barcha bahsli masalalar bo‘yicha kelishuvga erishib bo‘lindi, biroq ikki haftalik muddat kelishuvni uzil-kesil ishlab chiqish va mustahkamlash imkonini beradi”, — deya qo‘shimcha qilgan AQSh prezidenti.

• AQSh
• Eron
• Isroil
• Urush