AQSh prezidenti Donald Tramp Eron bilan tinchlik kelishuvi barbod bo‘lsa, jangovar harakatlar ko‘lamini kengaytirish bilan tahdid qildi. “Agar biron sababga ko‘ra bu amalga oshmasa, bu juda kam ehtimolga ega bo‘lsa-da, zarbalar shiddati misli ko‘rilmagan darajaga yetadi”, - deb yozdi u Truth Social ijtimoiy tarmog‘ida.

Trampning qo‘shimcha qilishicha, amerikalik harbiy xizmatchilar, samolyotlar va kemalar Tehron bilan kelishuvlar amalga oshirilgunga qadar mintaqadagi o‘z pozitsiyalarida qoladi.

Chorshanba kechasi tomonlar ikki haftalik o‘t ochishni to‘xtatishga kelishib oldi. Kelajakdagi kelishuvga Eronning o‘nta banddan iborat rejasi asos bo‘lishi mumkin, bu reja AQSh tomonidan ham ma’qullangani xabar qilingan.

U, jumladan, Eron Islom Respublikasidan sanksiyalarni olib tashlash, unga Hormuz bo‘g‘ozi ustidan nazoratni berish, uranni boyitish huquqini ta’minlash, shuningdek, barcha jabhalarda hujum qilmaslik va janglarni to‘xtatish, jumladan, Isroilning “Hizbulloh’ga qarshi operatsiyasini ham o‘z ichiga oladi.

SAXAL esa Livanga kuchli zarba berdi, natijada so‘nggi ma’lumotlarga ko‘ra, 250 dan ortiq kishi halok bo‘ldi.

• AQSh
• Eron
• Isroil
• Tehron
• Tramp