AQSh bir qator logistika masalalari, xususan, samolyotlarini Polshadan Ukrainaga o‘tkazish tizimi ishlab chiqish zarurligini ma’lum qildi.

Qayd etilishicha, Amerika Qo‘shma Shtatlari Polsha bilan Ukrainaga qiruvchi samolyotlar berish imkoniyatini muhokama qilmoqda.

Mamlakatlar, agar AQSh Ukrainaga samolyotlarni topshirishga qaror qilsa, Polshani qo‘llab-quvvatlash uchun qanday imkoniyatlar yaratishi mumkinligini aniqlamoqda.

Ma’lum qilinishicha, Ukraina prezidenti Vladimir Zelenskiyning Yevropa davlatlariga qiruvchi samolyotlar berish to‘g‘risidagi murojaati tufayli samolyotlarni topshirish imkoniyati muhokama qilinmoqda.

Shu bilan birga, Oq uy vakili Ukrainaga qiruvchi samolyotlar jo‘natish “har qanday davlat qabul qilishi mumkin bo‘lgan mustaqil qaror” ekanini ta’kidladi. Shuningdek, u ko‘plab logistika masalalarini ishlab chiqish kerakligini, xususan, samolyotlar Polshadan Ukrainaga aniq qanday o‘tkazilishini qo‘shimcha qilib o‘tgan.

Shu bilan birga, ikki amerikalik qonunshunos Zelenskiyning so‘zlariga tayanib, Polsha MiG rusumli qiruvchilarini yuborishga tayyorligini bildirgan, biroq AQSh buni aytishini kutayotganini ta’kidladi.

Eslatib oʻtamiz, joriy yilning 28-fevral kuni ukrainalik uchuvchilar Polshaga yetib kelgan va u yerda Yevropa Ittifoqidagi hamkorlardan harbiy samolyotlar olishi kerak bo‘lgan. 

Polshadan 28 ta MiG-29,
Slovakiyadan 12 ta MiG-29,
Bolgariyadan 16 ta MiG-29,
Bolgariyadan 14 ta Su-25.

Qayd etish mumkin, bu davlatlar samolyotlarni Ukrainaga topshirishdan rasman bosh tortishi mumkin. 

Polsha prezidenti Anjey Duda uning mamlakati qiruvchi samolyotlar bermasligini ta’kidlagan, chunki Polsha samolyotlarining Ukraina havo hududida bo‘lishi mumkin bo’lgan “mojaroga harbiy aralashuv”ga olib keladi.
 

• AQSh
• Polsha
• Samolyot