Kiyev harbiy ma’muriyati rahbari Timur Tkachenko 18-yanvar kuni tongda Rossiyaning shaharga qilgan hujumi oqibatida kamida to‘rt kishi halok bo‘lgani haqida ma’lum qildi.

“Rossiya raketalari va dronlari hujumiga uchragan Ukraina poytaxtida yong‘inlar, turar joy binosi, suv ta’minoti quvuri va “Lukyanovskaya” metro bekatiga zarar yetdi. Portlashlardan so‘ng metro bekati yopildi”, – degan Kiyev meri Vitaliy Klichko.

Shuningdek, bugun tongda Rossiya Zaporojyega ham raketa hujumini amalga oshirgan.

Viloyatning harbiy ma’muriyati rahbari Ivan Fyodorovning so‘zlariga ko‘ra, Rossiya hujumi natijasida 10 kishi yaralangan, ularning barchasi kasalxonaga yotqizilgan. Zarbalar oqibatida turar joy binolariga zarar yetgan.

“So‘nggi 24 soat mobaynida Rossiya qo‘shinlari Zaporojye viloyatining to‘qqizta aholi punktiga 241 marta turli qurollar bilan hujum qildi”, – deya qo‘shimcha qilgan Fyodorov.

• Birinchi jahon urushi
• Rossiya
• Ukraina