Qo‘shma Shtatlarda ikki bolakayda maymunchechak infektsiyasi yuqish holati aniqlandi.

Qayd etilishicha, shifokorlar bolalarda maymunchechakning aniqlangan holati haqidagi ma’lumotni tasdiqlaganidan so‘ng, markaz rahbari jajji bemorlarning ahvoli yaxshi ekanligini ta’kidladi.

“Hozir biz bolalarda infektsiyaning ikkita holatini aniqladik. Shuni alohida ta’kidlashim kerakki, eng muhimi, bu bolalar o‘zilarini yaxshi his qilmoqda”,– deydi CDC Kasalliklarni nazorat qilish va oldini olish markazi rahbari Rochelle Uolenskiy.

Bir bola Kaliforniyada, ikkinchisi esa AQSh rezidenti emas, ammo hozir Vashingtonda yashayotgan go‘dak ekani aytilgan. 

Shuningdek, markaz bolalar kasallikni katta ehtimol bilan uyda yuqtirgan deb hisoblaydi.

Avvalroq, JSST Favqulodda vaziyatlar dasturi maymun chechak kotibiyati rahbari Rosamund Lyuis tashkilot bolalarning maymunchechak kasalligini yuqtirish holatlaridan xabardor ekanini aytgan edi.

Uning ta'kidlashicha, 18-19 yoshli bemorlarda maymunchechakning yuqish-yuqmasligi hali ham aniq emas, ammo yosh bolalarda “uyda oila a’zolarining ta’sir qilishi” tufayli kasal bo‘lish ehtimoli ko‘proq.

• AQSh
• Bolalar
• Maymun chechagi