Buenos-Ayres va Argentinaning bir qancha provinsiyalarida respublika shimolidagi Atucha atom elektr stansiyasining ishdan chiqishi tufayli 20 millionga yaqin odam elektr energiyasiz qoldi.

Qayd etilishicha, nosozlik yuqori voltli elektr uzatish liniyasidagi avariya oqibatida yuzaga kelgan. Hodisaga yaqin atrofdagi yong‘in sabab bo‘lgan.

Atom elektr stansiyasining birinchi energiya bloki ishida nosozlik yuz berdi. Oqibatda respublikadagi 40 foiz iste’molchilar elektr energiyasisiz qoldi. Gazetaning yozishicha, 6 milliondan ortiq binolarda elektr energiyasi yo‘qolgan.

2022-yil holatiga ko‘ra, Argentinada 46 million kishi istiqomat qiladi.

Nashr manbalarining xabar berishicha, avariyalar respublikaning boshqa elektr stansiyalarida ham sodir bo‘lgan. Mamlakat Energetika vazirligi “tizimda bir nechta nosozliklar qayd etilganini” tasdiqlagan. Departamentning aniqlik kiritishicha, ularning sabablari o‘rganilmoqda.

Ta’kidlanishicha, Atom elektr stansiyasi 48 soatdan so‘ng ishlay boshlaydi. Biroq mamlakatda elektr energiyasi ishlab chiqarish 10 ming MVtga kamayadi.

• Argentina
• Elektr energiyasi