Xalqaro olimpiya qo‘mitasi 2012-yilgi London Olimpiadasi medallarini qayta taqsimladi. Unga ko‘ra diskvalifikatsiya qilingan sportchilarning natijalari bekor qilingan.
Shunday qilib, natijalar hammasi bo‘lib beshta yo‘nalish bo‘yicha qayta taqsimlangan. Erkin kurash bo‘yicha O‘zbekiston vakili Artur Taymazov hamda gruziyalik Davit Modzmanashvilining natijalari bekor qilinganidan so‘ng, Bilyal Maxov (120 kg gacha vazn toifasida) g‘olib deb topilgan.
Balandlikka sakrashda rossiyalik Ivan Uxovning g‘alabasi bekor qilinganidan keyin oltin medal amerikalik Erik Kinardga nasib etgan. Ayollar o‘rtasida balandlikka sakrashda rossiyalik Svetlana Shkolinaning bronza medali bekor qilingach, unga ispaniyalik Rut Beytiya ega chiqqan.
Bundan tashqari, uzunlikka sakrash bo‘yicha esa Anna Nazarova beshinchi, Latviya vakili Ineta Radevicha to‘rtinchi o‘rindan mahrum bo‘lgan. Ularning o‘rniga mos ravishda rossiyalik Lyudmila Kolchanova hamda Eluaz Emonen 4 va 5-o‘ringa ko‘tarilgan.
Kanoeda eshkak eshish bo‘yicha 200 m masofada litvalik Yevgeniy Shuklin diskvalifikatsiya qilinganidan keyin rossiyalik Ivan Shtil kumush medal sohibiga aylangan. Bronza esa ispaniyalik Alfonso Benavides Lopes de Ayala hisobiga yozilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!