Kaliforniyaning SETI instituti qoshidagi Karl Sagan markazi olimlari Uranning yoʻldoshi – Miranda regoliti yuzasini ilk marta tadqiq qilishga muvaffaq boʻlishdi. Mazkur ilmiy ish samoviy jismning ichki tuzilishi va uning qaʼrida nimalar yashiringanini oʻrganishga yordam beradi.

Regolit tuproq va chang qatlami bilan qoplangan jinsdan iborat. Bu turdagi regolit Oyda ham mavjud ekanligi maʼlum. Ammo Yerdagi tuproqdan farqli ravishda u quruq va “jonsiz” hisoblanadi.

Olimlar Miranda yuzasidagi kraterlarning eni va chuqurligini ham oʻrganib chiqishgan. Samoviy jism yuzasidan joy olgan, diametri 25 kilometrga teng keladigan Alonso krateriga alohida eʼtibor qaratilgan.

Mutaxassislarning fikricha, Yupiterning yoʻldoshi – Yevropa va Saturn yoʻldoshi – Enseladada ham ichki okeanlar mavjud. Ularga kelgusida hayot kechirish mumkin boʻlgan obyekt sifatida qaraladi.

• Koinot
• ilm-fan
• kosmos
• tadqiqot