“Avatar: Suv yoʻli” filmining treyleri taqdimotdan keyingi 1 kun ichida 148,6 million marta tomosha qilindi.
Rasmiy treyler videoxostinglarda 9-may kuni taqdim etilgan. Bunga qadar “Avatar-2” filmining tizeri kinoteatrlarda namoyish etilgan edi. “Disney” va “20th Century” kompaniyalari bergan maʼlumotlarga koʻra, videoni tomosha qilgan 23 million nafar internet foydalanuvchisining joylashuvi Xitoyga toʻgʻri kelmoqda.
“Suv yoʻli” filmi “Avatar”ning mantiqiy davomi boʻlib, unda birinchi qismdagi qahramonlarning hayoti haqidagi hikoya davom ettiriladi. Filmda Pandora sayyorasida hayot kechiruvchi Jeyk, Neytiri va ularning farzandlari taqdiri aks ettirilgan. Odamlar Pandorani bosib olishga harakat qiladilar, Navi xalqi esa ularga qarshilik koʻrsatadi.
“Avatar”ning ilk filmi bundan 13 yil avval taqdim etilgan va kinematografiya tarixidagi eng kassabop loyiha nomiga sazovor boʻlgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!