Taniqli aktyor Aziz Rametov sobiq “qizlari”ning turmush oʻrtoqlari bilan ham, oʻzlari bilan doʻst ekanligi, ularga bergan vaʼdalarining ustidan chiqa olmagani haqida gapirdi.

“Avvallari “gaplashgan” qizlarimning turmush oʻrtoqlari bilan doʻstona munosabatdamiz. Men u qizlar bilan gaplashganda har doim masofa saqlaganman. Turmush oʻrtoqlari ularni baxtli qilib yashayapti, men esa baxtli qila olmadim. Men ularga uylanishni vaʼda qilib, subutimda tura olmadim, erkak boʻlib ularning yonida “turib bera olmadim”. Shuning uchun ham meni jilovlay oladigan qizga uylanishga majbur boʻldim. U qizlarning barchasi “tilla” edi, men ularga arzimasdim. Oʻsha qizlarning barchasiga rahmat aytaman, meni tanlamasdan toʻgʻri ish qilishgan”, dedi ijodkor.

Aziz Rametovning aytishicha, sobiq “qizlari”ning hech biri bilan munosabatlariga oʻzi nuqta qoʻymagan. Qizlarning oʻzi uni vaʼdasida tura olmagani uchun tashlab ketishgan. Aktyor ularni chin doʻst deb bilishi, ota-onalarini oʻz ota-onasi deb hisoblashi, bu zamonaviy hayotda odatiy holat ekanligini aytib oʻtdi.

• Shou-biznes
• mashhurlar