31°
Kechasi 18°
AQSH prezidenti Jo Bayden va Germaniya kansleri Olaf Shols Rossiyani Ukrainada sodir bo‘layotgan voqealar uchun javobgarlikka tortishga tayyorligini bildirdi. Bu haqda Oq uy bayonotida ma’lum qilindi.
“Ular Rossiyani tajovuzkorligi uchun javobgarlikka tortish majburiyatini yana bir bor tasdiqladilar”, – deyiladi bayonotda.
Oq uy bayonotida, shuningdek, Bayden va Shols Ukrainani gumanitar, iqtisodiy, siyosiy va xavfsizlik jihatlarida qo‘llab-quvvatlash, shuningdek, ukrainaliklar bilan xalqaro birdamlikni saqlash muhimligini muhokama qilgani aytiladi.
Qayd etish mumkin, bugun, 4-mart kuni Bayden va Shols Vashingtondagi shaxsiy uchrashuvi doirasida Ukrainaga qurol yetkazib berish masalasini muhokama qildi. Oq uy matbuot xizmatiga ko‘ra, uchrashuv Rossiyaning Ukraina hududida maxsus harbiy operatsiyasi boshlanganining bir yilligi munosabati bilan o‘tkazilgan.
Rossiya Federatsiyasi Prezidentining matbuot kotibi Dmitriy Peskov jurnalistlar bilan bo‘lib o‘tgan brifingda AQSh Ukrainaga qurol-yarog‘ yetkazib berishni ko‘paytirishda davom etishini va uning “qo‘l ostidagi”lar – YI mamlakatlarini ham bunga undashini aytdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
