“BMTning Korrupsiyaga qarshi kurashish bo‘yicha konvensiyasiga asoslangan rasmiy xalqaro murojaat asosida, O‘zbekiston hukumatining iltimosi bilan Belgiyada jami 200 million dollar musodara qilindi”, – deyiladi Bryussel prokuraturasi bayonotida.

Belgiya sudi Yevropa Ittifoqiga a’zo davlatlar o‘rtasida shu turdagi aktivlarni bo‘lishish to‘g‘risidagi qoidalariga asoslanib, musodara qilingan pul va uning hisoblangan foizlarini Belgiya va O‘zbekiston o‘rtasida taqsimlanishi haqida qaror chiqargan. Sud O‘zbekiston tomoniga 108 million dollar berishga qaror qilgan.

Belgiya rasmiylari ushbu mablag‘lar qaysi jinoyat ishi doirasida hamda kimlardan musodara qilinganiga aniqlik kiritmagan.

Avvalroq O‘zbekiston Adliya vazirligi Gulnora Karimova boshchiligidagi jinoiy guruhning Belgiyada ham aktivlari borligini va ularni qaytarish ishlari olib borilayotganini ma’lum qilgan edi