Qo‘shma Shtatlar Moliya vaziri Skott Bessent Rossiya va Belarusga qarshi sanksiyalar qo‘llanilgani sababli bu mamlakatlar bilan savdo olib borilmasligini aytdi. Bu haqda The New York Times xabar berdi.

Oq uy matbuot kotibi Kerolayn Livitt esa Axios nashriga bergan intervyusida Rossiyaga qarshi sanksiyalar har qanday muhim savdoni deyarli istisno qilishini ma’lum qilgan. The New York Times gazetasiga ko‘ra, Oq uyning boshqa bir vakili aynan shu sababli Kuba va Shimoliy Koreya ham Trampning bojlar ro‘yxatiga kiritilmaganini bildirgan.

Shu bilan birga, Axios rasmiylarning bu bayonotlarini rad etib, AQSh va Rossiya o‘rtasidagi savdo aloqalari hali ham davom etayotganini qayd etdi.

NYT ma’lumotlariga ko‘ra, bu hajm sezilarli darajada kamaygan, 2021-yilda 35 mlrd dollar bo‘lgan tovar ayirboshlash hajmi o‘tgan yili 3,5 mlrd dollargacha tushgan.

“Qo‘shma Shtatlar hali ham Rossiya bilan, masalan, Trampning tariflar ro‘yxatiga kiritilgan Mavrikiy yoki Bruneyga qaraganda ko‘proq savdo qiladi. Bojlar hatto AQSh bilan Rossiyadan ham kamroq savdo qiladigan uzoq orol hududlariga ham joriy qilingan”, – deb yozadi Axios.

• AQSh
• Davlat boji
• Rossiya
• tovar