Qirg‘iziston prezidenti Sadir Japarov 3-aprel kuni Samarqandga keldi.

U Shavkat Mirziyoyev raisligida o‘tadigan “Markaziy Osiyo — Yevropa ittifoqi” birinchi sammitida ishtirok etish uchun O‘zbekistonga tashrif buyurdi. Samarqand xalqaro aeroportida uni bosh vazir Abdulla Aripov va boshqa rasmiylar kutib oldi.

Shundan so‘ng, Sadir Japarov tashrif dasturiga muvofiq navbatdagi manzilga jo‘nab ketdi.

“Markaziy Osiyo—Yevropa ittifoqi” birinchi sammiti 

Ushbu sammit Samarqand shahrida 3—4-aprel kunlari bo‘lib o‘tadi. Shavkat Mirziyoyev raisligida o‘tadigan sammit ishida Yevropa kengashi prezidenti Antoniu Koshta, Yevropa komissiyasi prezidenti Ursula fon der Lyayen, Qozog‘iston respublikasi prezidenti Qosim-Jo‘mart To‘qayev, Qirg‘iz Respublikasi prezidenti Sadir Japarov, Tojikiston prezidenti Emomali Rahmon va Turkmaniston prezidenti Serdar Berdimuhamedov ishtirok etadi.

• Qirg‘iziston
• Sadir Japarov
• Samarqand
• Tashrif
• sammit