Buyuk Britaniyaning Loustoft shahridagi eski doʻkon sohiblari oʻzlariga tegishli boʻlgan bino devoriga rassom Benksi tomonidan chizib qoldirilgan suratni devorning oʻzi bilan birga sotib yuborishdi. Bu mahalliy odamlar orasida katta shov-shuvga sabab boʻlgan.
Elektr qurilmalari sotiluvchi eski doʻkon Geri va Nadin Shvarslarga tegishli boʻlgan, doʻkon devoridagi surat oʻtgan yilning avgust oyida Benksi tomonidan chizib ketilgan.
Rassom suratda qumdan saroy qurayotgan va qoʻlida temir boʻlagini ushlab turgan qizaloqni tasvirlagan. Doʻkon egasi boʻlmish juftlik esa devorning surat tushirilgan qismini kesib olishgan va oʻtgan yilning noyabr oyida 1,5-2 million funt sterling evaziga sotib yuborishgan.
Mahalliy odamlar juftlikning bu ishini “xudbinlik” deya taʼrifladilar. Bu ish fuqarolarning gʻazabini keltirgan.
“Afsuski, kimdir oʻzi uchun yaratilmagan asardan foyda olishga qaror qildi. Benksi bu suratni biror kimsa undan daromad olishi maqsadida chizmaganiga ishonaman”, deydi shahar meri oʻrinbosari Nasima Begim.
Maʼlumot uchun, Benksi – kimligi nomaʼlum rassom. U dolzarb ijtimoiy mavzularga bagʻishlangan graffitilari, surat hamda qisqa metrajli filmlari orqali mashhurlikka erishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!