Taniqli xonanda Beyonse soʻnggi 6 yil ichida ilk marta musiqiy albom taqdim etadi. Unga “RENAISSANCE” deya nom berilgan boʻlib, taqdimot 29-iyul sanasiga rejalashtirilgan.

Yangi plastinka xonandaning ijodiy faoliyatidagi yettinchi albom sanaladi. Beyonsening oxirgi musiqiy albomi “Lemonade” nomi bilan 2016-yilda taqdim etilgan edi. Ushbu loyiha xonandaga “Gremmi” mukofotini olib kelgan. 2021-yilda Beyonse qoʻlga kiritilgan “Gremmi” mukofotlari soni boʻyicha yetakchi ijodkor deb tan olingan. U ijodiy faoliyati davomida ushbu mukofotga 28 marta munosib deb topilgan.

Beyonse – Amerikaning eng mashhur va badavlat xonandalaridan biri hisoblanadi. Uning umumiy boyligi miqdori 450 million AQSh dollariga teng. Ijodkor muvaffaqiyatga oʻz kuchi bilan erishgan eng badavlat amerikalik ayollar reytingida 61-oʻrinda turadi.

• San’at
• Shou-biznes
• mashhurlar