Bu yangi tizim nafaqat bu yilgi, balki oliygohni tugatganiga 3 yil bo‘lmagan bitiruvchilar uchun ham amal qiladi.

O‘zbekistonda oliy ta’lim muassasalari bitiruvchilarini ishga olgan tadbirkorlarga 2 yillik imtiyozli davr bilan 7 yil muddatga 5 mlrd so‘mgacha kredit ajratiladi. Bu haqda Adliya vazirligi axborot xizmati xabar qildi.

OTMni bitirganiga 3 yildan oshmaganlarni ishga olgan tadbirkorlarga 18 foizli stavkada 5 mlrd so‘mgacha kredit ajratiladi. Bunda har 1 mlrd so‘mgacha bo‘lgan mablag‘ uchun kamida bir bitiruvchini ishga olish shart. 2 yil ichida mehnat shartnomasi bekor bo‘lsa, foiz tijoriy stavkaga o‘zgartiriladi.

Kredit ishlab chiqarish va xizmat ko‘rsatish sohasidagi loyihalarga asosiy vositalar sotib olish hamda aylanma mablag‘larni to‘ldirish uchun ajratiladi.

Tadbirkor uning imtiyozli kredit olishiga sabab bo‘lgan bitiruvchi o‘rtasida 2 yil davomida mehnat shartnomasi bekor bo‘lgan taqdirda, kredit foizi mehnat shartnomasi bekor bo‘lgan sanadan tijorat stavkasiga o‘zgartiriladi.

Biroq, bundan ushbu xodim o‘rniga 1 oy muddatda boshqa bitiruvchi ishga qabul qilingan hollar mustasno.

Shuningdek, bitiruvchilar o‘rtasida eng yaxshi startap va innovatsion loyihalar tanlovi tashkil etiladi. Tanlov g‘oliblariga kamida 2 nafar bitiruvchini ishga olish majburiyati bilan 1 mlrd so‘mgacha grant ajratiladi.

• Imtiyoz
• Kredit
• OTM