Ma’lum bo‘lishicha, 2022-yil 22-yanvar kuni ertalab bitkoin narxi 2021-yil 24-iyuldan beri minimum qiymatni yangilanib, 35,1 ming dollarni tashkil etgan. Jumladan, o‘tgan ikki kecha-kunduzda birinchi raqamli kriptovalyuta narxi 9 foizga arzonlashgani qayd etilgan.

Shuningdek, bitkoin narxi joriy yil 20-yanvar kuni kechqurun uning kursi 43,5 ming dollardan oshib ketgach keskin pasayishni boshlagan. 2021-yil 10-noyabrda belgilangan tarixiy maksimal – 69 ming dollardan kriptovalyuta 48 foizga – deyarli yarmiga arzonlashgan.

Ma’lum bo‘lishicha, kriptovalyuta bozoridagi pasayish S&P 500 indeksining qisqarishi bilan bog‘liq bo‘lishi mumkin, ushbu indeks 20-yanvardagi savdo sessiyasi natijalariga ko‘ra 1 foizga, 21-yanvarda esa yana 2 foizga pasayishda davom etgan. 

Ta’kidlanishicha, 2022-yil 21-yanvar davomida kapitallashuv bo‘yicha eng yirik altkoinlar ham keskin pasayishi kuzatilgan. Ethereum va Binance Coin’ning narxi har biri 14 foizga pasayib, mos ravishda 2,4 ming dollar va 353 dollarni tashkil etgan. O‘nta eng qimmat kriptovalyutalar orasida Luna eng ko‘p zarar ko‘rgan – uning narxi 27 foizga tushib, 57 dollarni tashkil etgan.

Bundan tashqari, 20-yanvar kuni Rossiya banki mamlakatda kriptovalyutalar emissiyasi, ularni muomalaga chiqarish va ayirboshlashni taqiqlash taklif qilingan hisobotini e’lon qilgan edi. Bank shuningdek, raqamli aktivlar mayningini taqiqlash va xorijiy savdo maydonchalarida kriptovalyutadagi rus sarmoyalarini kuzatishni boshlash zarur deb hisoblashi haqida xabar bergan.

• bitcoin