Kitob muallifi Pokistonlik jurnalist va yozuvchi Muhammad Abbos Xon tahririyatning O‘zbekiston va Markaziy Osiyo mamlakatlaridagi maxsus muxbiri hisoblanadi.

Muallif O‘zbekiston Prezidenti Shavkat Mirziyoyev tomonidan ilgari surilgan Uchinchi Renessans poydevorini yaratish g‘oyasini yuksak baholaydi.

Ushbu asarga Pokiston Bosh vaziri so‘z boshi yozib, unda O‘zbekiston tajribasi Pokistonni ham kelgusida buyuk yangilanishlarga, xayrli intilishlarga ilhomlantirishiga ishonch bildirishini ma’lum qiladi.

Asarda, jumladan, O‘zbekiston milliy davlatchilik rivojining uch ming yildan ziyod tarixiy tajribasiga oid qator misollar keltiriladi.

Pokistonlik siyosatchi va ilmiy ekspertlarning fikricha, ushbu asar va unda ko‘tarilgan fikr va talqinlar nafaqat Pokistonda, balki Yevropa va boshqa mamlakatlarda ham yuqori baholanmoqda.

Asarning taqdimotiga bir qator nufuzli shaxslar jumladan, Pokiston Prezidentining Axborot masalalari bo‘yicha maslahatchisi, matbuot kotibi M.Solangi, Bosh vazirining savdo masalalari bo‘yicha koordinatori R.Ihsan, Pokiston teleradiokompaniyasining Yangiliklar bo‘limi katta muharriri, siyosiy tahlilchisi X.Farxana va bir qator martabali shaxslar tashrif buyurishdi.

• Pokiston
• Shavkat Mirziyoyev
• jurnalist
• maqola