BMW avtomobil kuzovini bo‘yashning tubdan yangi usulini ishlab chiqishda oldinga katta qadam qo‘yganini e’lon qildi, bu esa rangni o‘zgartirish imkonini beradi. Gap “elektron siyoh” deb ataladigan tizim haqida ketmoqda. Yangi texnologiya ilk bor “BMW iX Flow” konsepsiyasida 2022 yil yanvarida namoyish etilgan.

“CES premyerasidan beri biz ushbu texnologiyani yanada takomillashtirishni amalga oshirdik. Ilgari, rang naqshlari orasidagi o‘zgarishlar faqat asta-sekin sodir bo‘lar edi. Boshqaruv elektronikasi endi bir zumda konvertasiya qilish uchun sozlangan, bu esa yanada ajoyib vizual tajribaga olib keladi”, – dedi “BMW iX Flow” loyihasi menejeri Stella Klark.

Bundan tashqari, Bavariyaliklar “BMW iX Flow” o‘z rangini fikr kuchi bilan qanday o‘zgartirishi mumkinligini ko‘rsatdi: Myunxendagi “Brainboost” startapi miya faoliyatini qayd eta oladigan va uni mashinaga “uzatadigan” texnologiyani yaratdi. Bu o‘z navbatida haydovchining fikri yoki kayfiyatiga qarab kuzov rangini o‘zgartiradi.

“BMW iX Flow’dagi yangi tizim rang naqshlari miya faoliyatiga javob beradi hamda faollik darajasini aks ettiradi. Miya dam olayotganda, iX Flow’dagi o‘zgarishlar ham tinchroq va ritmik bo‘ladi”, – deya tushuntirdi “Brainboost” bosh direktori Filipp Xayler.

U qanday ishlaydi?

“BMW iX Flow” korpusi maxsus plyonka bilan qoplangan, unda millionlab rangli kapsulalar mavjud. Elektr signallari bilan rag‘batlantirilganda, salbiy zaryadlangan oq yoki musbat zaryadlangan qora pigmentlar sirtda to‘planadi va shu bilan tashqi rangni o‘zgartiradi. 

Qayd etish mumkin, elektron kitoblardagi “siyoh” xuddi shu prinsip asosida ishlaydi.

• BMW
• Elektromobil
• Elektronika
• Miya faoliyati
• robot