Bangkokda oʻtayotgan boks boʻyicha U-22 Osiyo chempionati Oʻzbekiston terma jamoasi uchun ajoyib natijalarga boy boʻlmoqda.

Kecha, 23-yanvar kuni yigitlar oʻrtasidagi yarim final janglari yakuniga yetdi. Ahamiyatlisi, unda ringga koʻtarilgan 11 nafar oʻzbekistonlik bokschidan 10 nafari oʻz jangini muvaffaqiyatli oʻtkazib, final yoʻllanmasini qoʻlga kiritdi.

Bu bilan Oʻzbekiston erkaklar terma jamoasi eng koʻp final yoʻllanmasiga boʻlgan jamoaga aylandi.

Avvalroq, 8 nafar oʻzbekistonlik bokschi qiz Osiyo chempionati final bosqichiga yoʻl olgan edi.

Kecha boʻlib oʻtgan janglar natijalari:

-48 kg: Shodiyor Meliqoʻziyev — Lester Durens (Filippin) 5:0

-51 kg: Muhammadqodir Mamirjonov — Tanarat Sayengpet (Tailand) 0:5

-60 kg: Dilshod Abdumurodov — Fido Rafael (Indoneziya) 5:0

-63,5 kg: Shahboz Yunusaliyev — Askat Kultayev (Qirgʻiziston) 3:2

-67 kg: Bekzod Hamidov — Ixtiyor Nishonov (Qirgʻiziston) 4:1

-71 kg: Nurislom Ismoilov — Nuradin Rustambek Uulu (Qirgʻiziston) 5:0

-75 kg: Aʼloxon Abdullayev — Abdumalik Boltayev (Tojikiston) 5:0

-80 kg: Jasurbek Yoʻldoshev — Yerasil Jakpekov (Qozogʻiston) 4:1

-86 kg: Shohjahon Abdullayev — Nursultan Bolotbayev (Qozogʻiston) 1-raundda nokaut gʻalaba

-92 kg: Nusrat Tohirov — Yerxat Bekzat (Qozogʻiston) 5:0

+92 kg: Jahongir Zokirov — Amanat Sabirgali (Qozogʻiston) 5:0

Eslatib oʻtish mumkin, yigitlar oʻrtasidagi final janglari, 26-yanvar kuni oʻtkaziladi.

• Boks
• Osiyo Chempionati
• O‘zbekiston