Ma’lumotlarga ko‘ra, Zaporojyega hujumlarda ko‘plab dronlar va boshqariladigan aviabombalar qo‘llanilgan. Uylar, energetika va infratuzilma obyektlariga zarbalar berilgan. Hozirda hududda elektr energiyasi va ichimlik suvi ta’minotida uzilishlar kuzatilmoqda.

Zaporojyega hujumlar oqibatida bir kishi halok bo‘lgan, olti kishi jarohatlangan. Sanoat korxonasi hududida yong‘in yuzaga kelgan, avtomobillar va turar joy binolari zarar ko‘rgan.

Shuningdek, Lvov va Ivano-Frankovsk viloyatlariga ham hujumlar uyushtirilgan. Rossiya dron va raketalari Lvov shahriga zarbalar bergan. Burchin va Striy tumanlari aholisi portlashlar ovozini eshitgan.

Kiyev va Odessa viloyatlarida ham havo hujumidan mudofaa tizimlari ishga tushgan. Ukrainaning g‘arbiy hududlariga Rossiya tomonidan uyushtirilgan tungi zarbalar fonida Polsha o‘z qiruvchi samolyotlarini havoga ko‘targan.

• Havo hujumi
• Raketa
• Rossiya
• Ukraina
• Urush
• dron