AQSh prezidenti Donald Tramp NATO davlatlari o‘z havo hududiga kirgan Rossiya uchish qurilmalarini urib tushirishi kerakligi haqidagi fikrni qo‘llab-quvvatladi. Bu savol unga BMT Bosh Assambleyasi doirasida Zelenskiy bilan uchrashuvi oldidan jurnalistlar tomonidan berilgan.

Ayni paytda Tramp Rossiya droni yoki samolyoti urib tushirilsa, AQSh NATO ittifoqchilarini qo‘llab-quvvatlaydimi degan savolga aniq javob bermadi: “Bu vaziyatga bog‘liq”, – dedi u.

Uchrashuvda Tramp Rossiya iqtisodiyoti tanazzulga yuz tutganini va Ukraina Rossiya armiyasiga qarshi yaxshi kurashayotganini ta’kidladi. Zelenskiy esa Ukraina tomonidan 360 kv.km hudud ozod qilinganini va mingga yaqin Rossiya askari qurshovda qolganini ma’lum qildi.

Zelenskiy Trampga qo‘llab-quvvatlagani uchun minnatdorchilik bildirgan va Rossiyaga nisbatan sanksiyalarni kuchaytirish hamda Yevropaning Rossiya energiya resurslaridan voz kechishi zarurligini qayd etgan.

• AQSh
• Rossiya
• Tramp
• Ukraina
• Zelenskiy